گیت نمبر:165          گیت:یہ بات الگ تُم سے جُداہو نہیں سکتا
شاعر:متفرق             کمپنی:پی ایم سی            والیم:53
کہتے رہے ستم کو کرم  ہم فقیر لوگ    رَکھتے رہے کِسی  کا  بھرم  ہم فقیر لوگ
عنصرؔ تمام عمر اَندھیروں میں کَٹ گئی    پھر بھی ہے روشنی کا بھرم ہم فقیر لوگ

یہ  بات  الگ  تم  سے  جدا  ہو  نہیں سکتا    جو کچھ بھی ہو بُت میرا خدا ہو نہیں سکتا

دُشنام   اُدھر  اور  اِدھر    لب    پہ   دُعائیں      میں شوخ حسینوں سے  خفا  ہو  نہیں سکتا
جو کچھ  بھی  ہو  بُت میرا خدا ہو نہیں سکتا

جِس شخص نے چند لمحے گذارے ہیں میرے ساتھ     وہ شخص کبھی مُجھ سے جُدا ہو  نہیں سکتا
جو کچھ بھی ہو بُت میرا  خدا  ہو  نہیں سکتا

اُن کی  نرگسی  آنکھوں   سے   بھلا  کون بچے گا      یہ   تیر  نشانے   سے  خطا  ہو  نہیں  سکتا
جو کچھ بھی ہو بُت میرا خدا  ہو  نہیں  سکتا

اِے     زہرہ   جبینو  یہ   رعونت نہیں   اَچھی      اس  حُسن   پہ تقویٰ تو صدا ہو نہیں سکتا
جو کچھ بھی ہو بُت میرا خدا  ہو  نہیں  سکتا

ہر   ایک  ستم  اُن   کا  مجھے  جان سے  پیارا      وہ  لاکھ  بُرے ہوں میں  برا ہو نہیں  سکتا
جو کچھ بھی ہو بُت میرا خدا  ہو  نہیں  سکتا

اَب  وہ  نغمے  کہاں  اب  وہ   باتیں  کہاں     پیار  کے    دن    محبت   کی   راتیں   کہاں
آسرا    دِے    کے   لوٹا   ہے  تنہائی  نے     مار      ڈالا    جوانی    کی    رُسوائی   نے
بے    رُخی    بیوفا   کا   چلن  بن   گئی     زندگی  حسر توں    کا     کفن    بن   گئی
آج  قسمت    کا   وَعدہ   وَفا  ہو   گیا     باتوں   باتوں    میں   کوئی    خفا  ہو  گیا
کل   سے   بیمار   غم   کا  بُرا  حال  ہے     یہ    نہ   پچھوایا   ظالم  نے  کیا  حال  ہے
کیا  خبر  اُس   کو  اِک   زخم   تازہ  لیے     کوئی   بیٹھا     ہے    دل   کا   جنازہ  لیے
پھول    سوکھے   بہاریں   چمن  لُٹ  گئی     وہ    نظا رے    لُٹے    انجمن    لُٹ   گئی
عاشقی   میں   اَلم   کے  سوا   کیا   ملا     پیار   میں   درد  و غم  کے  سوا   کیا  ملا
پیار  جب    اِک    حسیں  موڑ  پر  گیا      عشق   میں      دُشمنی    کا  اَثر   آ  گیا
بے  مروت    نے   رسمیں  وفا   توڑ  دی     چلتے    چلتے   رہے     دوستی    چھوڑ  دی
مُدتوں   کی   محبت  کو   موت  آ  گئی      دل  جو  اُجڑا  تو  حسرت  کو  موت  آ گئی
آرزووں     کا     نیلام     ہونے     لگا      دیکھئے      پیار      بدنام     ہونے    لگا
وقت  کی    بات  ہے  اِس  نئے  دور  میں      بزم  تہذیب    میں   پردۂ  اِے   جور   میں
دل   کا   ایک   ایک   اَرمان  بیچا   گیا      حُسن   و   اُلفت   کا   ایماں   بیچا   گیا
روپ    بیچا    گیا   ساز   بیچا    گیا      رنگ   بیچا    گیا      نور    بیچا    گیا
جلوے     بیچے    گے  طُور  بیچا    گیا      طُور  کیا   ذوق   دیدار   بھی    بِک  گیا
آ  کے   بازار    میں  پیار  بھی  بِک  گیا      کل  ستم  گر  تھے  اب  ظلم  سہتے  ہیں یہ
آج    دُنیا  سے رو رو  کے  کہتے  ہیں  یہ       یا س  کے   رنگ   میں  ڈوبے   نظارو  بولو
ہجر  کی  رات   کے بے  نُور ستارو  بولو       کچھ   بولو   مقدر   میرا   کیوں    سویا
بو لو   بولو  میرا  محبوب  کہاں   کھویا      ہاں  بتاؤ میرے محبوب  کو چھینا  کس  نے
بےوفائی   کا  سکھایا  ہے  قرینا  کسی  نے      کر  دِیا  زخم سے چھلنی  میرا سینہ  کس نے
لا کے  ساحل  پہ ڈبویا  ہے سفینہ کس نے

ہو  سکتا  ہے   بیمار     تیرا   آج  بھی  اَچھا        تو  چاہئے  میری  جان  تو  کیا  ہو   نہیں   سکتا
جو کچھ بھی ہو بُت میرا خدا  ہو  نہیں  سکتا

تم  پیار  سے لے  جاؤ میری  جاں  بھی ہے حاضر        پر   جبر  کا   سجدہ   تو   ادا  ہو  نہیں  سکتا
جو کچھ بھی ہو بُت میرا خدا  ہو  نہیں  سکتا