Song no:

170

Volume no:

32

Poet Name:

Majboor Esa Khelvi

Company:

PMC

Song Name:

Channe Naal Chanani Tayray Naal

گیت نمبر:170              گیت:چنے نال چاننی تارے نال لو ماہیا
شاعر:مجبور عیسیٰ خیلویؔ      کمپنی:پی ایم سی            والیم:32
وِے  تیکوں کہڑے ناں نال یاد کراں میڈا دلبر بے پرواہ  اے
ماہتاب آکھاں  یا چمن دی خوشبو یا آکھاں باد  صبا   اے
تیڈی اَکھ دے بھنور کوں زندگی آکھاں یا آکھاں تیر قضا  اے
ہیں مرہم چمن دے زخماں دی وہ تیڈے ناں دے نال شفا اے

چنے  نال  چاننی  تارے  نال  لوہ  ماہیا توں پُھل موتیے دا  میں تیڈی  خوشبو  ماہیا

میں  ازل  توں  اُٹھ  اُٹھ  راتیں  ایہو دعاواں منگیاں وے  سوہنا ایہو دعاواں  منگیاں
تاں   کتھائیوں   سجنڑ  پیارا   اَج   تِیڈے  نال منگیاں ہائے  اَج  تیڈے   نال  منگیاں
چنے  نال  چاننی  تارے  نال  لوہ  ماہیا توں پُھل موتیے دا  میں تیڈی  خوشبو  ماہیا

توں   سرو  دے  بوٹے وانگوں  میں  تیڈا  پرچھاواں  وے  سوہنڑاں میں تیڈا پرچھانواں

توں  چتھاں  جھٹ  آویں  جاویں  نال  صدا  میں  راواں  ہائے  نال  صدا  میں  راواں
چنے  نال  چاننی  تارے  نال  لوہ  ماہیا توں پُھل موتیے  دا میں تیڈی  خوشبو   ماہیا

تُو  اَکھیں  دا چانن  ماہی  میں چانن دی  اَکھ   آں   ہائے  میں چانن  دی  اکھ  آں
توں  متاں  پیا  جانٹرے سجنڑاں میں تیڈے توں  وکھ ہائے میں  تیڈے   تو   وکھ   آں
چنے  نال  چاننی  تارے  نال  لوہ  ماہیا توں پُھل  موتیے دا میں تیڈی  خوشبو   ماہیا

توں دل تے میں دھڑکن ماہی ساڈیاں ایڈیاں سانجھاں وے سوہنڑاں ساڈیاں ایڈیاں سانجھاں
توں   تاں  پیار  دا  ساز  سُریلا  میں تیڈی  آواز  آں  ہائے    میں   تیڈی  آواز   آں
چنے  نال  چاننی  تارے  نال  لوہ  ماہیا توں پُھل  موتیے  دا میں تیڈی  خوشبو   ماہیا


پُھل گلاب دا توں چن ماہی میں چمبے دی کلی آں وے سوہنڑاں  میں  چمبے  دی کلی آں
تیڈے   نال   او سجن پیارا  میں  سجدی بہوں  بھلی آں ہائے میں سجدی بہوں بھلی  آں
چنے  نال  چاننی  تارے  نال  لوہ  ماہیا توں پُھل  موتیے  دا میں تیڈی  خوشبو   ماہیا


تیڈا   میڈا    سنگ     پرانا   سوہنڑیاں   ڈھول  ناداناں ہائے سوہنٹریاں ڈھول  ناداناں
تیڈا  میڈا  ناں  وچ    جگ   دے شمع  تے    پروانہ  ہائے     شمع   تے     پروانہ
چنے  نال  چاننی  تارے  نال  لوہ  ماہیا توں پُھل  موتیے  دا میں تیڈی  خوشبو   ماہیا


اِے   خوشی   دیاں  گھڑیاں  شالا  توڑ  قیامت  راہون  سجنڑاں  توڑ   قیامت   راہون
پیار   دے    دو   البیلے   ساتھی   صدا   سلامت راہون  ہائے   صدا  سلامت  راہون
چنے  نال  چاننی  تارے  نال  لوہ  ماہیا توں پُھل  موتیے  دا میں تیڈی  خوشبو   ماہیا


کیوں   مجبورؔ   دُعا  نہ  لِکھاں  ہور  کہڑی  شے  لکھاں  ہائے  ہور کہڑی  شے  لکھاں
سجنڑاں  دی  نت  پیار  ودھیرے   کدی  نہ ویکھاں پِکھا ں ہائے  کدی نہ ویکھاں  پِکھاں
چنے  نال  چاننی  تارے  نال  لوہ  ماہیا توں پُھل  موتیے  دا میں تیڈی  خوشبو   ماہیا