Song no:

158

Volume no:

2

Poet Name:

Majboor Esa Khelvi

Song Name:

Nahi Sajdiyan Sanwal Yaar

Company:

Sonic

گیت نمبر:158              گیت:نہیں سجدیاں سانول یار سجنڑاں دے
شاعر:مجبور عیسیٰ خیلویؔ     کمپنی:سونک            والیم:2
قاصد  وَنج  یار  کوں  آکھیں   حال   اَحوال  سلامت  رَاوی
جہڑے حال وِچ تو بھلا خوش وَسدا اِیں اُو حال سلامت ہووی
اے   ہو   جوبن   جوش جوانی  دا ہر  سال سلامت ہووی
اقبالؔ  کوں   بے  اقبال  نہ   کر   اقبال   سلامت   ہووی

نہیں     سجدیاں     سانول    یار  سجنڑاں  دے  نال  ٹھگیاں
لُٹ    لیندیاں    اَمن   قرار    سجنڑاں   دِے    نال   ٹھگیاں

سجنڑاں   نال    نہ   دَغا  کماوی  جو  دَم جیوی توڑ  نبھاوی
سوچیں    نہ     دِل   اِچ   اِک  وَار سجنڑاں  دِے  نال ٹھگیاں
نہیں    سجدیاں     سانول   یار  سجنڑاں    دِے  نال  ٹھگیاں

سجنڑ    رَنجاویں   نہ  کیں   حیلے  ہوندے جگری سجنڑ وسیلے
کر    دِیندیاں      سجن     وِزار   سجنڑاں  دِے  نال  ٹھگیاں
نہیں     سجدیاں     سانول    یار  سجنڑاں  دے  نال  ٹھگیاں

سجنڑاں  نال  کریں   نہ  دُھوکے  کملا سجنڑ نہ لبھدے  سوکھے
کریں  بُھل  کے   وی    نہ   یار   سجنڑاں  دِے  نال   ٹھگیاں
نہیں     سجدیاں     سانول   یار  سجنڑاں   دے  نال  ٹھگیاں

سجنڑاں  دے دِل نازک ہوندے  نِکی جئی گل توں بج  بج  پوندے
جیناں  کر      ڈیندیاں    دُشوار   سجنڑاں   دِے  نال ٹھگیاں
نہیں     سجدیاں     سانول   یار  سجنڑاں   دے  نال  ٹھگیاں

ٹھگیاں  دِل  دِے  چمن  اُجاڑے  آس  اُمیداں  دِے  پُھل  ساڑے
سینے    بھر     دِیندیاں    اَنگار   سجنڑاں  دِے  نال  ٹھگیاں
نہیں     سجدیاں     سانول    یار  سجنڑاں دے  نال  ٹھگیاں

موڑ نہ مُکھ مجبورؔ دی  گل توں سوہنڑا من مونہڑا  سانول  توں
چھڈ   ڈیویں   ہا  ہنڑ   تاں   یار سجنڑاں   دِے  نال  ٹھگیاں
نہیں     سجدیاں     سانول   یار  سجنڑاں   دے  نال  ٹھگیاں