Song no:

49

Volume no:

11

Poet Name:

Naz Khayalvi

Song Name:

Bin Tayray Awaz Dil Say Ahti

Company:

Sonic

بن   تیرے    آواز    دِل    سے    آتی   ہے     جیسے  وچھڑی   کونج  کوئی  کُرلاتی  ہے

جل  اُٹھتے  ہیں  دیپ  اَشکوں  کے  پلکوں  پر     رات  جدائی  کی  جب  سر  پہ  آتی  ہے
بن   تیرے    آواز    دِل    سے    آتی   ہے

یاد    آتا    ہے    سایہ    تیری   قُربت  کا     تیری  فرقت  کی  جب دھوپ جلاتی  ہے
بن   تیرے    آواز    دِل    سے    آتی   ہے

بھولنے  والے  تُجھ  کو  کچھ   احساس  نہیں      تیری   یاد   مجھے   کِتنا  تڑپاتی   ہے
بن   تیرے    آواز    دِل    سے    آتی   ہے

موت  سے  پہلے  دیکھ  تو  لوں اِک بار  تجھے     آ جا    اب   تو جان  نکلتی  جاتی  ہے
بن   تیرے    آواز    دِل   سے    آتی    ہے

کیسے    تیرا     درد     چھپاؤں   دُنیا   سے     ہر  ایک زخم  سے تیری خوشبو  آتی ہے
بن   تیرے    آواز    دِل    سے    آتی   ہے

کون   تُجھے   سمجھائے   نازؔ   جوانی    میں      تنہائی   سے   جان    بہت گبھراتی  ہے
بن   تیرے    آواز    دِل   سے   آتی    ہے