Song no:

494

Volume no:

105

Poet Name:

Farooq Rokhri

Song Name:

Tedi Yaad Kivain Sajnaa

Company:

Heera

گیت نمبر:494           گیت:تیڈی یاد کیویں سجنڑاں
شاعر:فاروق روکھڑیؔ       کمپنی:ہیرا        والیم:105
تیڈی  یاد  کیویں سجنڑاں بھلاواں وچھوڑا  بْرا سجنڑاں  دا
بھل  جاواں تے  میں مر جاواں وچھوڑا   بْرا  سجنڑاں  دا

بیشک  تو   ہنڑ   لکھ   نہ     چِھٹیاں          تیڈیاں  یاداں  کھنڈ  توں  مِٹھیاں
دل    کملے     دی     پیاس    بجھاواں          وچھوڑا    بْرا     سجنڑاں    دا
تیڈی  یاد  کیویں سجنڑاں بھلاواں وچھوڑا  بْرا سجنڑاں  دا


نال    انہاں      دے    اکھیاں    سیکاں          دل  میڈے   دیاں   بنڑیاں  ٹیکاں
شام  ڈھلے    تے   میں   کول    سواواں          وچھوڑا     بْرا     سجنڑاں   دا
تیڈی  یاد  کیویں سجنڑاں بھلاواں وچھوڑا  بْرا سجنڑاں  دا

بْھل     جاواں      ایمان    دا    گھاٹا          تیڈیاں    یاداں      قبلہ   کعبہ
سجدے    میں    ڈیہنہ    رات    لْٹاواں          وچھوڑا     بْرا     سجنڑاں   دا
تیڈی  یاد  کیویں سجنڑاں بھلاواں وچھوڑا  بْرا سجنڑاں  دا

میڈے       پیار      دیاں       بْنیاداں          ہر  دم  راہون    تیڈیاں   یاداں
شالا       ہونٹر      منظور    دعاواں          وچھوڑا     بْرا     سجنڑاں   دا
تیڈی  یاد  کیویں سجنڑاں بھلاواں وچھوڑا  بْرا سجنڑاں  دا

نال  انہاں    دے    میڈے   گیت   ہن          تیڈیاں     یاداں  سْر سنگیت ہن
فاروقؔ     کیوں      بھید       لوکاواں          وچھوڑا     بْرا     سجنڑاں   دا
تیڈی  یاد  کیویں سجنڑاں بھلاواں وچھوڑا  بْرا سجنڑاں  دا