Song no:

146

Volume no:

5

Poet Name:

Farooq Rokhri

Song Name:

Puchyeah Kar Sada Haal Way Dhola

Company:

Sonic

گیت نمبر:146              گیت:پچھیا کر ساڈا حال وے ڈھولا کدی کدی
شاعر:فاروق روکھڑیؔ      کمپنی:سونک                والیم:5
پچھیا  کر  ساہڈا  حال وے ڈھولا  کدی  کدی     بیٹھیا  کر ساہڈے نال وے ڈھولا  کدی کدی

کم    نہ    آسی    یار  تیڈے  مغروری  وے      حُسن  دَا  سِر صَدقہ  وِی یار ضروری  وے
بھریا   کر    کجھ  مال  ڈھولا  کدی  کدی      پچھیا کر ساہڈا حال وے  ڈھولا کدی  کدی

دِیوانے   سب   لوگ   دُھائی    دیندے   ہن       روز  دِے  اِے   نخوال  تاں مار ستیندے ہن
کیتا  کر   نخوال  وے  ڈھولا  کدی   کدی       پچھیا  کر ساہڈا  حال وے ڈھولا کدی کدی

کیوں  راہ  گیراں  دے  دِل  توڑی  جاندا  اِیں        کیوں پئیا جگ وِچ روز ہینرے   پاندا   اِیں
چھنڈیا  کر  توں  وَال وے ڈھولا  کدی کدی        پچھیا کر ساہڈا حال وے  ڈھولا کدی  کدی

پیار  دے  سارے  تاج محل  اِے  ڈھا  ویسن        روز  دِے  جھگڑے جھیڑے  گل وَدھا  ویسن
لڑیا  کر  ساہڈے  نال وے ڈھولا کدی  کدی        پچھیا کر ساہڈا حال وے  ڈھولا کدی  کدی

طعنے    دینٹر    نہ  تینوں  بے پروائیاں  دَا        کملے     تے    فاروقؔ  جئیے  سودائیاں  دا
کیتا  کرو   خیال  وے  ڈھولا  کدی  کدی        پچھیا کر ساہڈا حال وے  ڈھولا کدی  کدی

پیار   محبت   والے   رَنگ توں  بھریا   کر        ساڈا   دِل   وِی  کردا اِے  توں  چلیا   کر
موراں  وَانگوں چال وے   ڈھولا کدی  کدی        پچھیا کر ساہڈا حال وے  ڈھولا کدی  کدی