Song no:

147

Volume no:

9

Poet Name:

Afzal Ajjiz

Song Name:

Too Nach Nach Peelaan Pa Kurhay

Company:

Sonic

گیت نمبر:147            گیت:تو نچ نچ پیلاں پا کڑئے میں چمٹا
شاعر:افضل عاجزؔ          کمپنی:سونک             والیم:9
توں نچ نچ پیلاں پا  کڑے  نی  میں  چمٹا  وجاواں       توں نِماں نِماں شرما  کڑے نی میں  چمٹا  وَجاواں

میڈا   چمٹا  گنجھیاں   رَمزاں   کھولے   پیار دِیاں       اِے  مٹھیاں  مٹھیاں  گلاں  کردا   اِے  یار  دِیاں
چمٹے دی لے تے گا  کڑے  نی  میں  چمٹا  وجاواں       توں نچ  نچ  پیلاں  پاکڑے  نی میں  چمٹا وَجاواں

تیرے  پیراں  دِے  جد  گھنگرو  چھنڑ  چھنڑکن گے       تیرے قدماں  دِے  وِچ عاشقاں دِے دِل دھڑکن  گے
توں     گھنگراں      نوں     چھنڑکا      کڑے       توں نچ  نچ  پیلاں  پاکڑے  نی میں  چمٹا وَجاواں

تیڈ ا   گورا   مکھڑا   پُھل  پتیاں   دے   وانگڑئیے       میڈا  دِل   پیا   دِیوے  پیار  تیرے دِی  بانگڑئیے
مینوں       باواں     دے      وچ    پا   کڑے       توں نچ  نچ  پیلاں  پاکڑے  نی میں  چمٹا وَجاواں

اِے   دُنیا    اِے  بازار    اِیتھے   سب  چلدا  اِے       پر   کِسے   کِسے  دِے  پیار دَا  دِیوا   بلدا   اِے
اِیتھے     وِکد ا     اِے    ساہ     ساہ    کُڑے       توں نچ  نچ  پیلاں پاکڑے  نی میں  چمٹا  وَجاواں

مینوں  پیار  دی  مست  شراب  اَکھیاں دِے نال پلا       میڈے  دِل  دِی ہک ہک دَھڑکن دے وِچ وَسدی جا
توں گھنڈ مکھڑے توں لا کڑے نی میں چمٹا وجاواں       توں نچ  نچ  پیلاں  پاکڑے  نی میں  چمٹا وَجاواں