Song no:

203

Volume no:

19

Poet Name:

Manawer Ali Malik

Song Name:

Pirhaan Dodain Dee Jobun Kalay Wahlaan Da

Company:

PMC

گیت نمبر: 203             گیت: پھراں ڈھوڈھیندی جوبن کالے والاں دا
شاعر: منور علی ملکؔ     کمپنی:پی ایم سی            والیم:19
کتھے ونج وسیاں اِیں وے ماہی وسدا راویں تے مینڈے اَمن سکون ونجا کے
تیئں  آکھیا   ھئی  میں  ول   آساں   ڈوں   چار  دیہاڑے    لا   کے
اے  کے کیتا  ھئی  میں  کیا  جانڑاں  کیوں خوش  ایں  عہد  بُھلا  کے
کر نال  بیوسؔ  کیوں  کوڑ  گہیوں  چن  جھوٹھیاں  قسماں  کھا   کے

پھراں ڈھو ڈھیندی جوبن کالے والاں دا     اللہ ملیسُم ماہی وچھڑیاں سالاں دا

بازار           وکاندیاں         کنگیاں     رو     رو     کے  راتیں  لنگھیاں
کدوں مُل  پوسی  ساڈے  اُجڑے حالاں دا      اللہ ملیسُم ماہی وچھڑیاں سالاں دا

بازار                وکاندے     پراندے      تینڈے  ہجر  دے  صدمے  کھاندے
گلیاں اِچ رُل گئے بنڑے وے تماشا بالاں دا      اللہ ملیسُم ماہی وچھڑیاں سالاں دا

بازار              وکاند         کجلا      میکوں بُوہا  وِے  وِکھا  کے   اگلا
ٹُر پردیس  گیا  نیئں  ولیا سالاں     دا      اللہ ملیسُم ماہی وچھڑیاں سالاں دا

بازار      وکاندی        ونگ     وے      ساکوں  عجب ڈکھائے نی رنگ  وے
پتہ نئیں  چلدا تیڈیاں اُلٹیاں چالاں    دا      اللہ ملیسُم ماہی وچھڑیاں سالاں دا

بازار            وکاندے         کپڑے      متاں ماہی  وے جنازے تے  اَپڑے
کفن  بنایم  اُوندھے  دِتے  وے رومالاں دا      اللہ ملیسُم ماہی وچھڑیاں سالاں دا

بازار       وکاندی             مہندی      تیڈی    یاد  نہ  دِل تُوں  لہندی
کونڑ اِنصاف کرے ساڈا وقت زوالاں  دا      اللہ ملیسُم ماہی وچھڑیاں سالاں دا