Song no:

205

Volume no:

108

Poet Name:

S M Sadiq

Song Name:

Ahiyaan Bijiyaan Hawawaan Kithay

Company:

Heera

گیت نمبر: 205             گیت: آئیاں پجیاں ہواواں کِتھے
شاعر: ایس  ایم  صادقؔ    کمپنی:ہیرا         والیم:108
اَگ لا کے پیار دے بیلے یاں نوں بے رحم  تقدیر  پئی  ہسدی  اے
کِسے ہیر نوں زہر پیا کے تے کِسے سسی  دے پچھے پئی نسدی  اے
وینڑ  سُنڑ کے پیار دی ونجلی دے تیر  فیر پئی ظلم دے کسدی اے
ہویا دلاں دا کدھرے خون صادقؔ لالی صاف آسمان دی دسدی اے

آئیاں پجیاں ہواواں کِتھے  رُوندیاں  وَفاواں    چڑھی لالی آسمانی مُکی کِسے دی کہانی
میرے وانگوں کِسے رانجھے دا پیار کھویا اے    اج  کدھرے مُحبتاں دا خون ہوا ہے

اِک وَنجلی دِی ہُوک نے جِس تھاں دو دِل گٹیھاں کیتے سَن
 اَکھاں لڑیاں تے وکھ ہو گئے
  جنہاں ایتھے پیار کیتا او او او تاں گلیاں دا ککھ ہو گے
اِک وَنجلی دِی ہُوک نے جِس تھاں دو دِل گٹیھاں کیتے سَن
بارہ   سال  دے  لمبے  ویلے  اِک  دُوجے  نال   بیتے   سَن
یار   اپنا   گنوا   کے   گل   ونجلی   نوں    لا    کے
اوہناں   پیار   دیاں    بیلیاں    اِچ  کوئی   رویا    اے
اج   کدھرے   مُحبتاں   دا     خون     ہوا      ہے

اِینھی  چیتی  ٹُٹ  نہیں  سکدیاں   لڑیاں  قول  قرار  دیاں
   مُکھ سجنڑاں توں موڑ دے نہیں
   عاشق مر جاندے او او او پر لگیاں نوں توڑ دے نہیں
اِینھی  چیتی  ٹُٹ  نہیں  سکدیاں   لڑیاں  قول  قرار  دیاں
لنگ جان عاشق چیر کے ندیاں  تانگاں  ہون  جے  یار  دیاں
ایتھے   ہوئی  انہونی   بھاویں  ڈُب    گئی    اے  سوہنی
ویری مر جاندے   کدی    نہ      پیار     مویا     اے
اج   کدھرے   مُحبتاں   دا      خون      ہوا     ہے

اے  جو  تتیاں  لوواں صادقؔ  یار میرے  دیاں  ہاواں   نے
    اکھاں ہنجواں اِچ تریاں نے
    اونے میرا ناں لے کے او او او اج ہاواں بھریاں نے
اے جو  تتیاں لوواں  صادقؔ یار میرے   دیاں  ہاواں   نے
کنمب گئی میرے دِل دی دھرتی اُکھڑیاں میریاں ساہواں  نے
اوہنوں   کوئی   سمجھاوے   اجے   ویلا    اے او  آوے
اساں مر  کے  وی   اکھاں   دا   نہ   بوہا   ڈھویا   اے
اِینھی  چیتی  ٹُٹ  نہیں  سکدیاں   لڑیاں  قول  قرار  دیاں
آئیاں پجیاں ہواواں کِتھے  رُوندیاں  وَفاواں    چڑھی لالی آسمانی مُکی کِسے دی کہانی
میرے وانگوں کِسے رانجھے دا پیار کھویا اے    اج  کدھرے مُحبتاں دا خون ہوا ہے