Song no:

577

Volume no:

3

Poet Name:

Nazir Yaad

Song Name:

Ajay Tan Mojajun Mohabataan Wich

Company:

TP Gold

گیت نمبر:577          گیت:اجے تاں موجن محبتاں وچ وچھوڑے پو
شاعر:نذیر یادؔ           کمپنی:ٹی پی گولڈ                 البم:3
اجے   تاں   موجن   محبتاں   وچ   وچھوڑے   پو   گے   تاں  کیا   کریسوں
ڈساں    جو  اک  بہہ  دی  دید  کیتے  کداہائیں  لو   گے  تاں  کیا  کریسوں

اَجاں  تاں   اُجڑن   ستارے   ساڈے   تے   ہن   مزے   وچ  گذارے  ساڈے
اے  کھیڈ   ساری   نصیب   دی   ہے  جو تڑٹ  وی  سگدِن  سہارے  ساڈے
تھلاں  دی   رانی  سسی   دے  وانگوں   نصیب   سو  گے  تاں  کیا  کریسوں

ڈساں    جو   اک  بہہ  دی  دید  کیتے  کداہائیں  لو  گے  تاں  کیا  کریسوں
میں  تیڈا  راہساں توں میڈا راہسیں میں  تیں  تے مرساں  توں  میں  تے  مرسی
اے  ٹھیک  ہے  چن  جو  مردے  دم  تائیں  نہ  میں مکرساں  نہ  توں  مکرسی

پہاڑ   رسماں  تے  سارے  رستاں  اچ  سجنٹر  کھلو   گے   تاں  کیا  کریسوں
ڈساں   جو  اک  بہہ  دی  دید  کیتے  کداہائیں  لو   گے   تاں  کیا  کریسوں
پیتل    کوں   سونا    نہ  جو  بنٹراوے   وپار سمجھو  او  پیار کوئی   نہیں

خوشی    تاں  کچ    دے   کھڈونے   وانگوں  میڈا  سائیں  اعتبار  کوئی  نئیں
اے   دکھ  آ ساڈی  وفا  دی  ڈور   اچ  ہنجو  پرو  گے   تاں  کیا  کریسوں
ڈساں    جو   اک  بہہ  دی  دید  کیتے  کداہائیں  لو  گے  تاں  کیا  کریسوں

زمانہ    ازلاں    توں    دو   دلاں    دی  وفا   کوں  مسلہ   بنٹریندا   آیا
اے    گھر    دا   ڈیوا   ہمیشہ  کولوں  نذیرؔ   گھر  کوں  سڑیندا  آیا  ہے
جو  اج  کوں  اپنٹرہن  او  کال  کو  سانول   پرائے  ہو  گے  تاں  کیا کریسوں
ڈساں    جو   اک   بہہ   دی  دید  کیتے  کداہائیں لو  گے  تاں کیا  کریسوں