Song no:

19

Volume no:

13

Poet Name:

Naz Khayalvi

Song Name:

Jaan Toon Mehnoo See Payara

Company:

Sonic

گیت نمبر:            گیت:جان توں مینوں سی پیارا کی پتہ او
شاعر:ناز خیالوی       کمپنی:سونک               والیم:13
جان  توں  مینوں  سی  پیارا  کی  پتا  او  کون  سی     فیر  نہیں   ملیا    دوبارہ  کی  پتا   او  کون  سی

شوخیاں    نازاں   اداواں    دا  کوئی   شاہکار  سی     چاندی   ورگا   روپ  اُس  دا  گل  خوشبو دار سی
پُھل  آکھاں   یا   ستارہ  کی   پتہ   او  کون   سی     جان  توں  مینوں  سی  پیارا کی  پتا  او  کون  سی

سپنے    وانگاں   آ   خیالاں   وانگ   ظالم ٹر  گیا     مار  کے   سینے    ہجر  دی  سانگ  ظالم  ٹر گیا
سِی   کوئی   وقتی   سہارا   کی   پتہ  او کون  سی     جان  توں  مینوں  سی  پیارا  کی  پتا او  کون  سی

آ  کے   دو  گھڑیاں  لئی   سارے   زمانے  لے   گیا     لُٹ  کے  ظالم  میرے  سُکھاں  دے  خزانے  لے  گیا
دے  گیا  دُکھ  ڈھیر  سارا   کی  پتہ  او کون  سی     جان  توں  مینوں  سی   پیارا  کی  پتا او  کون  سی

میرا   شیوہ    پیار    دوکھا  اوس  دا  دستور  سی     دل  توں  میں مجبور ساں عادت توں  او مجبور سی
کر   گیا  آخر   کنارہ   کی   پتہ   او  کون   سی     جان  توں  مینوں  سی  پیارا  کی  پتا او   کون  سی

دے  گیا  کوئی   پتہ   نہ  کچھ  نشانی   دس  گیا     کتھوں  آیا سی او  خورے  کتھے  جا  کے  بس  گیا
کہیڑا  ملیا  سوں  دووارا   کی  پتہ  او   کون   سی     جان  توں  مینوں  سی  پیارا  کی  پتا  او  کون  سی