Song no:

29

Volume no:

106

Poet Name:

S M Sadiq

Song Name:

Dardaan Day Main Lafaz Bana

Company:

Heera

گیت نمبر:29              گیت:درداں دے میں لفظ بنا کے کاغذ وچ
شاعر:ایس ایم صادق        کمپنی:ہیرا                  والیم:106

درداں  دے   میں  لفظ   بنا   کے  کاغذ  وچ   لوکوواں     آپے  لکھاں  چٹھیاں   تینوں   آپے     پڑھ   پڑھ   روواں
وے          پردیسا          ہائے      وے     پردیسا

جَد  وی کلیاں  بہہ کے تینوں  درداں  دے  خط  پائے  نے     اِک  اِک لفظ تے سو سو موتی  ہنجواں  نے  ورسائے  نے
لا گہیوں جہیڑے داغ  ہجر دے دس میں کیویں دوواں وے     وے       پردیسا          ہائے       وے     پردیسا

ایویں  ہس کے  جھوٹے  ہاسے  جگ  تو روگ لوکاواں  وے     میرے وس دی گل نہیں تینوں میں کیویں  بُھل جاواں وے
میرے ساواں دے  وچ تیریاں  رچیاں  نے   خوشبواں   وے     وے       پردیسا         ہائے       وے      پردیسا

منگاں روز دُعاواں  رب توں  تیرے جوگی  رِہ   جاں   وے     جِتے  بیٹھا  ہوویں  سجناں  تیرے  مُکھ تے  بہہ جاواں
اُڈ دی اُڈ دی لَب لاں  تینوں  جے  میں  تتلی ہوواں  وے     وے       پردیسا         ہائے         وے    پردیسا

ڈارو وچھڑی کونج آن مینوں  ویکھ ویکھ  نہ ہسوں  وے     کدھرے  بیٹھا  کدھرے جاندا  تکیا  جے تے  دَسو  وے
آوندے  جاندے  راہیاں  کولوں  تیرا پُچھ پُچھ روواں  وے     وے       پردیسا         ہائے         وے    پردیسا

صادق  یارا  تیرے  دِل  وچ   غیراں   لا لے  ڈیرے  وے     تُوں میری تقدیر نہ بنڑیوں  بھاگ  اُجڑ  گے  میرے  وے
جگ کولوں تے کھو لیندی میں لیکھاں توں کِنج کھوواں وے     وے       پردیسا         ہائے         وے    پردیسا