Song no:

22

Volume no:

70

Poet Name:

Afzal Ajjiz

Song Name:

Khat Likhaan Tay Likh K

Company:

Rehmat Gramophone House

گیت نمبر:22            گیت:خط لکھاں تے لکھ کے میں پھاڑ دیندی
شاعر:افضل عاجز         کمپنی:آر جی ایچ               والیم:70
خط لِکھاں تے  لِکھ  کے  میں پھاڑ   دِیندی  آں      کنڈی  کھولاں  تے  کھول  کے  میں  چار دیندی  آں
متاں      ایسے    گڈی     تے     آ   جاویں

پاواں سُرمہ  تے  کدی   سک    ملدی    پھراں       وے  میں   چودویں  دے  چن  وانگوں  بلدی  پھراں
متاں      ایسے    گڈی     تے     آ   جاویں

وے    میں     بانگی     کُکر    پکا   رکھساں       نالے   دیسی    گہیوں     روٹیاں   تے   لا  رکھساں
متاں      ایسے    گڈی     تے     آ   جاویں

بتی  بالاں  تے میں بال  کے  بُجھا    دیندی  آں      تارے   گِن    گِن      رات      لنگا    دیندی  آں
متاں      ایسے    گڈی     تے     آ   جاویں

مہندی لاواں تے  میں  لا  کے   دھو  دِیندی آں      کدی  ھساں  تے    کدی     میں  رو   لیندی   آں
متاں      ایسے    گڈی     تے     آ   جاویں

پانی  بھرنا  وی  اَج   مینوں   بُھل   گیا    اے       سارا   بعید    میرا   سائیاں   اُتے    کُھل  گیا   اے
متاں      ایسے    گڈی     تے     آ   جاویں

چولا  دھو  کے  تے تاڑ   اُتے    پاندی    پھراں       نالے    گیت    تیر ے    آن   دے   گاندی   پھراں
متاں      ایسے    گڈی     تے     آ   جاویں

خط لکھاں تے لکھ کے  میں  پھاڑ   دیندی   آں       کنڈی    کھولاں  تے  کھول  کے میں چار دیندی  آں
بَس     ایسے     گڈی    تے    آ   جا   توں